Framsal er löglegt.

Það er með ólíkindum hvernig nýafstaðnar kosningar snérust lítið um kvótakerfið, ég tel reyndar að það hafi verið vegna þess að aðeins einn flokkur hefur mótað sína afstöðu til kerfisins, sem mér finnst bara ekki rétt leið því miður.

Hér neðar á blogginu hjá mér er ein hliðin á kerfinu sögð með tilfinningum og kannski með smá rómantík sem því miður er löngu horfin úr sjávarútveginum.

Framsal á veiðiheimildum er löglegt og því við engan að sakast annan en stjórnvöld í þessu atriði, það er starf og frumskilyrði stjórnmálamanna að skapa okkur almenningi þannig aðstæður að við höfum trygga atvinnumöguleika og öruggt umhverfi.

Ég hef lengi verið þeirrar skoðunar að framsalinu verði settar mjög stífar skorður eða aflagðar og í framhaldinu verði þær veiðiheimildirnar innkallaðar með eðlilegum afskriftareglum. Eðlilegar afskriftir eru sagðar vera 8 ár, það yrði þar með sá tími sem úthlutuðum veiðiheimildum væri ætlað að vera til umráða fyrir útgerðina. 

Veiðiheimildunum yrði síðan endurúthltuað með skilyrðum, (ég fylli ekki út þennan hluta en læt duga að nefna fullvinnslu á aflanum gæti verið einn þáttur) ég tel þetta vera mjög vænlegan kost þar sem með þessu hætti væri hægt að skapa nýliðun í greininni án gífurlegs fjármagns stuðnings og eða kostnaðar.

"Þetta er bara græðgi, bara græðgi og ekkert annað"