IMF eða úrsögn úr EES tímabundið

Það sem veldur ekki hvað mestri angist meðal einstaklinga í dag er sú óvissa sem er að sjá í framtíðinni, ég tel að stjórnvöld geti tekið þá ákvörðun að frysta allar skuldir þannig að einungis verði greiddir vextir af lánum tímabundið. Þetta er ekki ósvipað og greiðslustöðvun hjá fyrirtækjum og ég sé ekki vandamálið að heimfæra þetta yfir á heimilin, því þau eru ekkert annað en lítil fyrirtæki í raun og veru. Því ætti að gefa þennan slaka til fólksins í landinu en einungis tímabundið. Ég teldi rétt að miða við síðustu mánaðarmót, þetta ætti að vera möguleiki þar sem nú eru allar skuldbindingar hvort sem er komnar í hendur ríkisins jafnt innan lands sem og erlendis.

Ástandið hefur farið versnandi og því er það alls ekki ásættanlegt að þessum óvissu þáttum er ekki komið í farveg, því þau skipta almenning mestu máli eins og málum er háttað í augnablikinu.

Ég tel reyndar að þetta verði það sem IMF komi til með að gera samhliða því að styrkja gjaldeyrissjóð landsmanna. Það kemur til með að verða höft á gjaldeyrisviðskiptum eða gjaldeyrisúttektum, þetta kannað hljóma einkennilegt fyrir yngrikynslóðir en þetta er hægt að framkvæma með sérákvæðum en líklega yrði að koma til úrsögn úr EES tímabundið eða með undanþágu frá þeim skuldbindingum sem við höfum gengist undir með þeim samningum. Þetta varðar þjóðarrétt til að verjast afkomu og sjálfstæði þjóðarinnar.

Þetta ætti ekki að koma EB pólitíkinni að óvartþar sem við vorum búnir að leita til þeirra án árangurs, þeir kannski gerðu sér ekki grein fyrir hve alvarlegt ástandið væri eða boðberarnir ekki nægjanlega upplýstir um stöðuna.

Ég tel að Rússahjálpin komi of seint og þar sannast enn og aftur hversu seinir okkar stjórnarmenn eru að koma sér upp úr hjólförunum, því það skiptir mjög miklu máli að vera fljótir að afgreiða svona mál þegar tækifærin koma inn á borð til manna.

Þessi mánudagur sem Geir gerði að væntingardegi þjóðarinnar komi til með að koma án frekari aðgerða, þó ég voni innilega að svo verði ekki.

Ég horfi einfaldlega í kringum mig og sé ekki annað en fall um allan heim þannig að við getum ekki verið á botninum ef allt í kringum okkur er á niður leið, þetta segir mér einfaldlega að við erum ekki komnir á botninn, það er einfaldlega aðstæður og mistök stjórnvalda sem eru tveir af megin þáttum þess að þetta ætlar ekki að fara eins vel og væntingar gáfu til kynna.

Gordon Brown á einnig mjög stóran hlutdeild í því að þessar annars þokkalegu aðgerðir fóru svona illa. Við bara launum þeim það með að halda ekki með neinu ensku liði næstu árin og hættum að horfa á enskaboltann þar til formleg afsökun berst frá Mr Brown. Förum í hressilegan göngutúr í staðinn fyrir að horfa á tjalanna sparka þessari leðurtuðru á millisín og ímynda sér að hann sé íslenskur.

Verum góð hvort við annað og höfum í huga að börnin okkar eru það dýrmætasta sem við eigum. Verðmæti er einskis virði nema að þú teljir þau vera þér einhvers virði sem þú villt eða getur ekki verið án.

FB.. 

Japanar vilja að IMF byrji hér

Athugasemdir

[Villi Asgeirsson, 11.10.2008 kl. 19:40]

Ertu svo viss um að IMF sé af hinu góða? Þeir myndu sennilega draga okkur inn í ESB á nótæm.

[Friðrik Björgvinsson, 11.10.2008 kl. 21:11]

IMF hefur þrjú aðalmarkmið það er eftirlit, lánastarfsemi og tæknileg aðstoð. IMF aðstoðar einnig ríki sem lenda í erfiðum efnahagsaðstæðum með rannsóknum og tölfræðilegum greiningum. www.imf.com

Ég sé ekki alveg á þessari stundu hvað á ekki við hérlendis, einnig sé ég ekkert athugavert við það að leita sér aðstoðar þegar aðstæður eru mjög ýktar og öfgakenndar. Það lýsir því kannski hvað ég er jarðbundinn, að ég skuli ekki telja að ég geti allt og kunni allt, enda hef ég verið alls ófeiminn við að leita mér aðstoðar og spyrja þegar ég hef verið að fást við hvaða verkefni sem er, ég tel að það sé betra að vera auðmjúkur í 3 sek en að vera það alla ævi, spyrja og fá svör við spurningum án þess að fullyrða um hluti sem ég hef ekki hugmynd um en hafi eitthvað á tilfinningunni!

FB..

[Villi Asgeirsson, 12.10.2008 kl. 14:26]

Það mætti svo sem skoða þetta, en það verður að vera alveg á hreinu að við missum ekki sjálfsákvörðunarréttinn, að við verðum ekki þvinguð inn í ESB, að við verðum ekki þvinguð til að selja auðlindir og einkavæða heilbrigðiskerfið. Séu þessir hlutir í lagi, sé ég ekki að þetta sé slæmt. Geti þeir ekki svarað þessu eins og við viljum, vil ég frekar rússana.

[Friðrik Björgvinsson, 12.10.2008 kl. 14:48]

Það er málið að við þurftum að fara strax þessa leið eftir að við sáum hvað var að gerast í banka-fjármálakerfinu í upphafi þessa árs, en það voru misvitrir stjórnmálamenn sem stungu þessari vitneskju undir skjalabunkann, þessir menn eru ábyrgir að mínu áliti.

Það er verra ef IMF er að fara fram á að við hættum við málssókn á hendur breta vegna þeirra gjörninga á hendur Kaupþingi, það má ekki gerast þar sem þar gætum við átt skaðabætur á hendur breskum sjtórnvöldum svo skiptir miljörðum punda.

Ef þetta skilyrði er ófrávíkjanlegt verðum við að sækja fastar um aðstoð frá Rússum og með þessa forsendu í fartaskinu, einnig gætum við farið fram á að Rússar aðstoði okkur við þessar málsóknir þó ég geri mér grein fyrir því að við ættum að geta framkvæmt þetta allt sjálfir, það væri bara sterkara að hafa aðrar þjóðir með í þessu málaferli.

Ég er samt sem áður að sannfærast um að mánudagurinn þ.e.a.s. morgundagurinn komi og líði án frekari yfirlýsinga eða aðgerða.

FB..