Hugsað út fyrir Kassann

Hugmyndafræði nútímans segir að á bak við fjármagn sé eign. Þessi hugmyndafræði segir okkur að á bak við okkar framlag til lífeyrissjóða liggi eign í samræmi við það fjármagn sem við höfum lagt inní sjóðina.
Nú kemur á daginn að eignin hefur rýrnað vegna ráðstafana sem viðkomandi sjóðsstjórar hafa framkvæmt og þannig orðið til þessa að viðkomandi eign hefur lækkað í verði um allt að 30 til 40 %. Hvernig fær viðkomandi eigandi þessarar eignar sinn hlut í eignarsafninu greiddann? Hann fær hann þannig greiddann að hann kemur til með að þurfa að greiða allt að því 5% hærri skatta á næstu 15 árum, er þetta allt lögum samkvæmt?
Öll gildi skal endurskoða. Því þarf að endurskoða öll gildi og einnig þessi gildi sem ekki síður en aðrar eignir ættu með réttu að vera stjórnarskrár varðar.
Hvað ræður því hvar viðkomandi greiðir í lífeyrissjóð annað en þau lög sem segja svo til um að allir launþegar séu skildugir að greiða í lífeyrissjóð. Það hefur verið viðtekin venja að viðkomandi stéttarfélag semur um greiðslur í sjóði sem tengjast þeirra félaga, þannig að það er eina hindrunin sem hindrar að viðkomandi einstaklingur greiði eða stofni sinn eiginn sjóð með samningi við óákveðið fjármálafyrirtæki eða stofnun með sínum forsendum og sínum hagsmunum og verði þannig óháður öllum félögum og skilyrðum stóru sjóðana. Er þetta viðunandi lausn á þeim vanda sem við horfum framá í dag með óheyrilegum stjórnarkostnaði sjóðanna?
Nú ætla ég að reyna að vera skýr í minni framsetningu á þessum einstaklings lífeyrissjóði. Mín hugmynd gegnur út á það að einstaklingurinn gerir samning við ávöxtunarfélag um sparnað á sinni starfsævi með greiðslufallstryggingu, slysatryggingu og eða sjúkdómatryggingu. Þessi samsetning er nánast með sama innihald og liggur að baki lífeyrissjóðum.
Það liggur töluvert margt að baki þessari hugmynd, því það hefur verið metið inn til kauphækkanna, þeir liðir sem hingað til hafa verið gerðir í kjarasamningum og hefur verið á sviði lífeyrissjóðaréttinda. Einnig má benda á að við samkomulag um greiðslur í sjóðina gildir ákveðin skattaprósenta, en eftir að núverandi aðstæður eru komnar fram í dagsljósið er ljóst að skattaprósentan kemur til með að verða hærri, þannig að í raun og veru ætti að tala um allar hliðar á þessum aðstæðum. Ekki tala bara um niðurfærslu á eignum og réttindum því það ætti í framhaldinu að skoða skuldir til samræmis við þá eignarniðurfærslu sem orðið hefur orðið í þessu eignarsafni.