Hvað svo?

Það er svolítið skrítin tilfinning að ljúka svona törn eins og er búin að vera á nærri hálfraraldar gömlum einstakling undan farið, en hún á eflaust eftir að verða mun betri þegar niðurstöður liggja fyrir úr prófunum, það skulum við vona. Ég gerði eins og ég gat og meira var ekki hægt að gera á þessum tímapunkti, þannig að ég get alveg verið sáttur við hvaða niðurstöðu sem verður.

Þetta efni sem við höfum verið að læra um, hefur tengst svolítið því sem er að gerast í tilverunni á sama tíma, sem hefur aukið töluvert á skilninginn á náminu. Áður en ég hóf þetta nám hafði ég ekki spekúlerað mikið í fjármálum einum og sér, var svona nokkurnveginn viss hvað var mikill yfirdráttur sem stóð út af borðinu og var svo sem ekkert að velta mér mikið uppúr því, en eftir þenann pakka sér maður að það skiptir bara töluverðu um þau lífsgæði sem maður sem einstaklingur hefur úr að spila.

Ég ætla ekki að fara predikka mikið um Hagfræði eða Fjármál Fyrirtækja heldur ætla ég að láta hér leirburð sem ég hef skrifað á eitt glærusettið, hef sennilega verið orðin leiður á glæruinnihaldinu, ég held að ég geti aldrei gert svona lagað nema þegar ég er að reyna að losna undan eitthverju öðru sem ég þarf að gera.

Hagfræði - Fjármál Fyrirtækja

Hagfræði er ætíð þekkt
fyrir mikla speki
Jaðarinn er ekki trekt
og líklegt að hann leki

Raunvirði á milli bil
og árin reiknuð þannig
Það sem var er ekki til
en núvirði eru meiri gæði.

Línuhugsun

Hver og einn fyrir sig
einn sem allir fyrir mig
Hugsar hver um sjálfan sig
allir nema bankinn.

Hver og einn sér um sig
gerðu ekkert fyrir mig.
Safnar öllu undir sig
sérstaklega bankinn.

Vextir þróast upp um stig
ekki spá hvað það kostar sig
Þetta á að þróast niður á við
segir þetta Bankinn.

Samneysluhugsun.

Sjóðaval fer upp um stig
horfin eru réttindastig
ómagarnir benda á sig
Þetta er snúin kringla

Hver á að hysja upp um þig
ef þú jafnvel brýtu þig
Línuhugsun borga sig
Því safnið þitt mun dingla

Framtíðin sér inní sig
lítu ekki beint á mig
Því þú ættir að vara þig
þegar fervikið fer að hringla.

Höf. Friðrik Björgvinsson 2007.

Þetta skilja kannski ekki allir en ég geri það og nokkurnveginn á þenann hátt....