Ég hef verið dapur í blogginu en hef hlustað meira í staðin.

Ég hef verið bara töluvert dapur að blogga síðustu viku eða svo en reynt að hlusta frekar á aðra og mín niðurstaða er að það ekki langt að bíða stórtíðinda hér innan lands. Ég á allt eins von á því að það fari að koma fram í dagsljósið einstaklingar sem munu ganga frá stjórnarborðinu.
Þegar maður hlustar á það sem Þorgerður Katrín sagði á borgarafundinum í Háskólabíó í gær kemst maður ekki hjá því að hugleiða hvað vaki fyrir henni. Var þarna að tala nýr formaður Sjálfstæðisflokksins eða var þarna að tala fyrverandi Menntamálaráðherra? Það voru margir hlutir sem hún sagði sem hreinlega stangast á við innri skipan Sjálfstæðisflokkinn. Hún var ekki að verja hagsmuni neins hóps hún var að tala um að verja hag almennings að nokkru leiti, sem ég hreinlega bjóst ekki við, því sú samkunda er þekkt fyrir að verja hagsmuni auðmanna og eistakra gæðinga, sem gjarnan hafa mikil umsvif á hinum almenna en smáa markaði á Íslandi.
Ég var reyndar á fundi með Þorgerði fyrir nokkru síðan og þá kom það mér verulega á óvart hvernig hún talaði, það var ekki við stjórnum og þið verðið að taka til í ykkar ranni og laga ykkur að þessum regluverkum, nú hefur orðið veruleg breyting á þessum málatilbúningi, orð eins og samvinna og stýrihópar voru eitt af aðal tilvitnunum hennar, er hún að verða íhalds-krati. Ég hef lengi haldið því fram að það séu til hópar innan Sjálfstæðisflokksins sem hafa mikla skðanabræður í öllum hinum flokkunum en þó síður í Framsóknarflokknum, því þar hafa verið frekar þröngur hópur sem hefur valið og samþykkt einstaklinga innan síns kjarna og menn hafa skipst þar í enn aðra hópa sem hafa barist þar um völd og stefnur til þó nokkuð margra ára.
Hvað um það þá kom Þorgerðu lang best út af öllum öðrum sem mættu á þennan borgaraflokk, þó Össur hafi verið skemmtilegur þá var hann ekki málefnalegur hann var bara skemmtilegur og naut stemmingurnar á fundinum, enda ekki furða þar sem þessi fundur var einstakur og merkilegur í marga staði, þarna kemur fólk saman án pólitískra skoðana og merkilegt nokk fólkið var sammála um áherslur, en pólitíkin var bara ekki þarna til að hlusta heldur til að halda andlitinu gagnvart almenningi.
Góður fundur og gott framtak, sem dæmi er sagt að um 50% landsmanna hafi horft á fundinn á RUV en ég held að áhorfið á Eldhúsdagsumræður hafi ekki náð pilsnerstyrkk í áhorfi eða um 3% sem hlustuðu eða horfðu á þær umræður. Ég tel þetta góða þróunn en hún er dýr það verður að segja að þessi vakning sé mjög dýr, en við verðum að læra af henni til framtíðar.
Það er ekki laust við að manni hafi létt við svona samstöðu því þá sér maður að það eru fleiri sem eru að velta þessum hlutum fyrir sér en maður sjálfur, og merkilegt nokk þau eru nánast öll sammála manni í flestum atriðum nema að ég vill ekki að Davíð sleppi svona auðveldlega hann verður að fá að klára þetta klúður til enda. Hans ábyrgð er að koma þessu óskapnaði á laggirnar og þetta var hans stefna, og fyrir það verðu hann að sæta ábyrgð sama hvnær það uppgjör verðu gert.